ქლიავის ჯემი
ქლიავის ჯემი ჩემი საყვარელი ჯემია, ბავშვობას მახსენებს… 
ძალიან მომწონს კარგად ნადუღი, სქელი და პრიალა ჯემი. არაჩვეულებრივი გამოდის ყვითელი დიდი ქლიავით, ჭანჭურით ან ნებისმიერი ჯიშის ქლიავით.
მასალა:
- 5 კგ ქლიავი (კურკის გარეშე)
- 1 კგ შაქარი (ან გემოვნებით)
მომზადება:
ქლიავს კურკა გამოაცალეთ, შაქარი ფენა-ფენა მოაყარეთ და 1 სთ გააჩერეთ. შემდეგ ნელ ცეცხლზე დადგით და წამოადუღეთ. რომ ადუღდება, ზომიერ ცეცხლზე გააგრძელეთ ხარშვა.
ხშირად ურიეთ, რომ ძირზე არ მიიკრას. ხილი რომ მოიხარშება, ცეცხლი გამორთეთ და ერთი ღამე გამოატარეთ. გაცივებულ ჯემს სქელი მასის კონსისტენცია უნდა ჰქონდეს. თუ თხელია, კიდევ გააგრძელეთ დუღილი. თუ გსურთ, შეგიძლიათ მსუბუქად დააბლენდეროთ.
მზა, ცხელი ჯემი ცხელ ქილებში ჩაასხით, ცხელი ხუფები მოახრახნეთ და 5 წუთის განმავლობაში თავდაყირა დადეთ.
ქლიავის ჯემი მშრალ და გრილ ადგილას შეინახეთ.
მიირთვით გემრიელად!
[…] und sehr leckere Biskuitrolle. Marmelade Können Sie selbst aussuchen. Ich habe selbstgemachte Pflaumenkonfitüre verwendet, passt […]