let us cook

კვერცხი პამიდორში – გემრიელი, სასარგებლო და მარტივი საუზმე.

მასალა:

• პამიდვრები,
• ყველი (მოცარელა, სულგუნი, ან სხვა),
• კვერცხი,
• მარილი, ახლად დაფქული წიწაკა, ან პილპილი

მომზადება:

აიღეთ დიდი ზომის  ბრტყელძირიანი პამიდვრები (სასურველი რაოდენობით), გადააჭერით თავი, დანისა და კოვზის საშუალებით გამოიღეთ რბილობი ისე, რომ კედლები არ დააზიანოთ. მოაფრქვიეთ შიდა ზედაპირზე მარილი და წიწაკა, ან პილპილი, ძირზე მოაწყვეთ ყველის პატარა ნაჭრები.

თუ უმარილო ყველი გაქვთ, მარილი მოაფრქვიეთ და შედგით 200 გრადუსზე გახურებულ ღუმელში. ყველი დნობას რომ დაიწყებს, გამოიღეთ ღუმლიდან, ჩაახალეთ თითო კვერცხი, ზედაპირი შეკმაზეთ მარილით და პილპილით და ღუმელში შეაბრუნეთ.

გამოაცხვეთ კვერცხის სასურველ კონსისტენციამდე.

მიირთვით ცხელი ტოსტთან ან სხვა სახის გახუხულ პურთან ერთად (პურის გარეშეც ძალიან გემრიელია).

მიირთვით გემრიელად!