გამომცხვარი ტოლმა კამით
გამომცხვარი ტოლმა კამით ძალიან არომატული და გემრიელი კერძია. ამასთან დაბალკალორია, ცხიმს მხოლოდ ფორმაზე წასაცხებად იყენებთ. ძლიან უხდება კამის არომატი. კერძი გამოადგებათ აგლუტენური და დაბალინახშირწყლოვანი კვების მიმდევრებს. ლაქტოზის აუტანლობის შემთხვევაში ყველის გარეშე მოამზადეთ. გამოაცხვეთ ღუმელში და ისიამოვნეთ.
მასალა:
- 1 კგ შერეული ფარში (ღორი და ძროხა)
- 100 გ მრგვალმარცვალა ბრინჯი
- 1 ხახვი
- 4 კბილი ნიორი
- ახლად დაფქული წიწაკა, მარილი, გემოვნებით
- პატარა კონა კამა
- ერთი საშუალო ზომის კომბოსტო
- 4-5 პამიდორი ან დაკონსერვებული პამიდორი
- ყველის რამოდენიმე ფურცელი, სურვილით
მომზადება:
ფარშში შეურიეთ წვრილად დაჭრილი ხახვი, 2 კბილი გაჭყლეტილი ნიორი, მარილი, კამა, წიწაკა, გარეცხილი ბრინჯი და ხელით კარგად აურიეთ.
მოზრდილ ქვაბში წყალი აადუღეთ და დაამარილეთ. კომბოსტოს ფოთლები 3-4 წუთის განმავლობაში გათუთქეთ და სქელი ძარღვები დანით აათალეთ. ფოთოლზე დაადეთ დაახლოებით 1 სკ (ან მეტი) ხორცი და შეახვიეთ.
ცეცხლგამძლე ფორმას თხლად გადაუსვით ზეთი, ჩააწყვეთ მომზადებული ტოლმები, ზევიდან მოაყარეთ კანგაცლილი და დაკეპილი პამიდორი, მოაფრქვიეთ მარილი და მსხვილად დაფქული წიწაკა, გვერდზე მიუდეთ გაჭრილი ნივრები და გამოაცხვეთ ღუმელში 180 გრადუსზე. Pამიდვრის წვენი უნდა ეყოს გამოსაცხობად, თუ წვენი ამოშრა, ცოტა ადუღებული წყალი, ან კომბოსტოს ნახარში დაამატეთ.
ტოლმა თითქმის მზად რომ იქნება, შეგიძლიათ ყველის ფურცლები მოაწყოთ და 5 წუთით შეაბრუნოთ ღუმელში.
ტოლმას დაჭრილი კამა მოაფრქვიეთ და სუფრასთან ცხელი მიიტანეთ.
გემრიელად მიირთვით! 
[…] überbackenen Kohlrouladen klingen fast noch so wie daheim bei Muttern. Komplizierter wird es da schon bei Tschachochbilli. […]
[…] Den Sud aufheben. Strunk flachschneiden, Ca.1 EL Fleisch auf die ausgelegten Kohlblätter legen und zusammenrollen. Rouladen in einen Topf dicht an einander legen und Pizzatomaten darauf […]