ღორის სუკი სატაცურით

On 19/07/2015 by letusc

ადვილად მოსამზადებელი და უგემრიელესი კერძი – ღორის სუკი სატაცურით. დაბალნახშირწყლოვანი და ცილებით მდიდარი კერძი.

 

Schweinefilet mit Spargelfüllung

 

მასალა ორი ულუფისათვის:

  • 400-450 გ სუკი (მთლიანი)
  • 3-4 ცალი მწვანე სატაცური
  • 1-2 სკ მდოგვი ან კრემყველი
  • 1-2 კბილი ნიორი
  • ცოტაოდენი დაჭრილი ქინძი
  • 100-150 გ ბეკონი
  • 5-6 ცალი კარტოფილი, 
  • ½ თავი ხახვი
  • მარილი და დაფქული წიწაკა
  • 1-2 სკ ზეთი

მომზადება:

სატაცური მოხარშეთ.
კარტოფილი გარეცხეთ და შუაზე გაჭერით. მოაფრქვიეთ მარილი და წიწაკა.
სუკი გარეცხეთ და შეაშრეთ. ბასრი დანით სიგრძეზე ჩაჭერით, მაგრამ არა ბოლომდე. გადახსენით და ნახევრებიც ჩაჭერით. ასე გაზრდით ხორცის ზედაპირს და შიგთავსის გახვევაც ადვილი იქნება. შეგიძლიათ მსუბუქად დაბეგვოთ კიდეც. სუკს შიგნიდან და გარედან მარილი და წიწაკა მოაფრქვიეთ. შიდა ზედაპირზე წაუსვით გაჭყლეტილი ნიორი, მდოგვი ან კრემ-ყველი, მოაფრქვიეთ ქინძი და რკალებად დაჭრილი ხახვი და დააწყვეთ სატაცურიები. ხორცი გადაახვიეთ და მეტალის ან ხის ჩხირებით დაამაგრეთ. შემდეგ ბეკონი შემოახვიეთ და კულინარული (ან ჩვეულებრივი ძაფით) შეკარით, რომ არ გაიხსნას.

 

Gefüllte Schweinefilet
ცეცხლგამძლე ფორმაში ქაღალდი ჩაფინეთ, წააცხეთ ზეთი, ცენტრში მოათავსეთ სუკი, შემოუწყვეთ კარტოფილი და შეწვით გაცხელებულ შუმელში დაახლოებით 220 გრადუსზე. ერთხელ გადააბრუნეთ.
შემწვარ სუკს მოაცალეთ ძაფი და ჩხირები, ბასრი დანით დაჭერით და ცხელ-ცხელი მიიტანეთ სუფრასთან.

მიირთვით გემრიელად! Smile

Print Friendly, PDF & Email

Comments

comments

Trackbacks & Pings

Leave a Reply

Your email address will not be published. Required fields are marked *