let us cook

სატაცურის სალათი ნიგვზით – ძალიან გემრიელი, მსუბუქი და სასარგებლო კერძი ქართული სამზარეულოდან. დასაშვებია ვეგანებისა და მარხულებისათვის.

მასალა:

• 500 გ მწვანე სატაცური
• 100 გ ნიგოზი, გატარებული
• 0,5 სკ ღვინის ძმარი
• 0,5 ჩკ დაფქული ქინძი
• 0,5 ჩკ ხავერდა (ყვითელი ყვავილი)
• 1 კბილი ნიორი
• მარილი, მწარე წიწაკა გემოვნებით
• პატარა კონა ქინძი
• ანადუღარი და გაცივებული წყალი საჭიროების მიხედვით

მომზადება:

სატაცურს გადააჭერით ძირები დაახლოებით 2 სმ-ის სიგრძეზე. თუ სქელი კანი აქვს, ღერების ქვედა ნაწილი გაფცქვენით. მოხარშეთ ადუღებულ და დამარილებულ წყალში 8 წუთის განმავლობაში, გადაწურეთ, ცივი წყალი გადაავლეთ და საწურზე დაწურეთ.

გაცივებული სატაცური დაჭერით 1-2 სმ სიგრძის ნაჭრებად.

ვიდრე სატაცური სითხისაგან დაიწურება და გაცივდება მოამზადეთ ნიგვზის საწებელა, აურიეთ დაჭრილ სატაცურში, შეურიეთ დაჭრილი ქინძი და მოაწვეთეთ ნიგვზიდან გამოხდილი ზეთი.

გემრიელად მიირთვით!