ომლეტი ბულგარული წიწაკით
ომლეტი ბულგარული წიწაკით სახელდახელო, ძალიან გემრიელი, დაბალნახშირწყლოვანი კერძია. შეგიძლიათ ცილოვანი და დაბალნახშირწყლოვანი დიეტების დროს თავისუფლად მიირთვათ.
მასალა:
- 1 დიდი ბულგარული წიწაკა
- 5 კვერცხი
- მარილი და დაღერღილი წიწაკა
- დაახლოებით 5 ნაჭერი ქამემბერტი (Camembert) ან სხვა მდნარი ყველი
- ცოტაოდენი დაჭრილი ქინძი
- ცოტაოდენი ზეთი
მომზადება:
ბულგარული წიწაკა გარეცხეთ და დაჭერით. გადაიტანეთ ტაფაზე და ზეთში მსუბუქად შეწვით.
კვერცხი გათქვიფეთ, შეკმაზეთ მარილით და წიწაკით.
კვერცხი მოასხით წიწაკას და ზედაპირზე მოაწყვეთ ქამემბერტის ნაჭრები.
ტაფას სახურავი დაახურეთ და ცეცხლს დაუწიეთ. ომლეტს ზედაპირი რომ ცოტა გამოუშრება და ყველი დნობას დაიწყებს, მზადაა.
ომლეტს ქინძი მოაფრქვიეთ და ცხელ-ცხელი მიიტანეთ სუფრასთან.
პ.ს. თუ შებრაწული მთლიანი კვერცხი გიყვართ, შეგიძლიათ ზოგიერთი კვერცხი მთელი დატოვოთ.
გემრიელად მიირთვით!
