ფორთოხლის ნამცხვარი

On 22/02/2015 by letusc

Let us cook-ის მკითხველი და მეგობარი ნინო გვარაძე კვლავ გვიზიარებს თავისი მორიგი კულინარული ექსპერიმენტის შედეგს და გვთავაზობს ძალიან გემრიელ ფორთოხლის ნამცხვარს.
ნინო, დიდი მადლობა რეცეპტისათვის, ძალიან გემრიელად გამოიყურება. Tongue Out

 

Orangenkuchen

 

მასალა:

ცომი:

  • 4 კვერცხი
  • 50 გრ მარგარინი ან კარაქი
  • 350 გ შაქარი
  • 3 ცალი ფორთოხალი
  • 300 გ ფქვილი
  • 2 სკ კარტოფილის სახამებელი
  • 1 ჩკ სოდა
  • მწიკვი მარილი
  • ვანილი

შოკოლადის მინანქარი:

  • 3 სკ კაკაო 
  • 3 სკ შაქარი 
  • 3 სკ წყალი

მომზადება:

2 ფორთოხალს სახეხით მოახეხეთ ცედრა. გამოწურეთ 3 ფორთოხლისაგან წვენი.
მარგარინი ან კარაქი გაადნეთ და შეაგრილეთ.
ცალკე თასში კვერცხისგან და შაქრისგან გააკეთეთ გოგლი-მოგლი, შეურიეთ შეგრილებული კარაქი, ფორთოხლის ცედრა და წვენი და ბოლოს მშრალი ინგრედიენტები: მარილი, სოდა, ვანილი, სახამებელი, ფქვილი.
ფორმა კარგად გაცხიმეთ და მოაყარეთ ფქვილი (სასურველია ფორმას გვერდები ეხსნებოდეს), ჩაასხით ცომი და შედგით წინასწარ გახურებულ ღუმელში დაახლოებით 150-160 გრადუსზე დაახლოებით 1 საათით.

 

Orangen-Kuchen

 

მზაობა შეამოწმეთ ხის ჩხირით.
რომ გამოცხვება ფორმაშივე შეაგრილეთ, ნელთბილს მოხსენით ფორმის გვერდები.

შოკოლადის მინანქარი:
კაკაოს შეურიეთ შაქარი და წყალი და დაბალ ცეცხლზე დადგით, თან ურიეთ. როგორც კი წამოდუღდება, გადმოდგით ცეცხლიდან. მინანქარი პრიალა რომ გამოვიდეს შეაგრილეთ 2 წუთით და შემდეგ ისევ დადგით დაბალ ცეცხლზე, ასე გაიმეორეთ 2 ჯერ, თან სულ ურიეთ. მინანქარი ცხელი მოასხით ნამცხვარს და თანაბრად გადაანაწილეთ.

გემრიელად მიირთვით! Smile

Print Friendly, PDF & Email

Comments

comments

Leave a Reply

Your email address will not be published. Required fields are marked *