ქლიავის ნამცხვარი
სახელდახელო და ძალიან გემრიელი ქლიავის ნამცხვარი შეგიძლიათ ცოცხალი ან გაყინული ქლიავით მოამზადოთ. მე ჩემი დაკრეფილი ქლიავი გამოვიყენე, რომელიც გავყინე და მთელი ზამთარი შევინახე. აუცილებლად გამოაცხვეთ, მოგეწონებათ!
მასალა:
- 150 გ მარგარინი/კარაქი
- 150 გ შაქარი
- 3 კვერცხი
- 200 გ ფქვილი
- 50 გ კარტოფილის სახამებელი
- 1 შეკვრა ვანილიანი შაქარი
- 1 შეკვრა გამაფხვიერებელი ან 1 ჩკ სოდა 1 სკ ძმრით
- 1 მწიკვი მარილი
- 500-600 გ ქლიავი/ჭანჭური
მომზადება:
დარბილებული მარგარინი ან კარაქი, მარილი და ვანილიანი შაქარი კარგად ათქვიფეთ კრემოვანი მასის მიღებამდე. კვერცხები სათითაოდ შეათქვიფეთ. Fფვილი, სახამებელი და გამაფხვიერებელი აურიეთ ერთმანეთში, კვერცხის მასას დააცერით და კარგად შეურიეთ.
24 სმ დიამეტრის მრგვალ ფორმაში ჩააფინეთ ქაღალდი და გვერდებზე ცხიმი წააცხეთ.
ცომი ფორმაში გადაიტანეთ, ზედაპირი გადაასწორეთ, კურკაგამოცდილი ქლიავი მოაწყვეთ და წინასწარ 200 გრადუსზე გახურებულ ღუმელში 30-40 წუთი გამოაცხვეთ.
მიირთვით გემრიელად! 
