let us cook

ნიგვზიანი ბადრიჯანი ჩემი მეგობრების (სხვადასხვა ეროვნების) საყვარელი კერძია. როგორც ნიგვზიანი ბადრიჯნის შესავალშიც გითხარით, პერიოდულად ვაწყობთ ხოლმე „ბადრიჯნის პარტის“ (Auberginenparty) და  სტუმრებს ჩემი მომზადებული ნიგვზიანი ბადრიჯნით ვუმასპინძლდები.

ჩვენმა ბოლო პარტიმ განსხვავებულად ჩაიარა – ჩემმა მეგობრებმა სურვილი გამოთქვეს, რომ მათაც მიეღოთ მონაწილეობა მომზადებაში და თან ესწავლათ. ჰოდა მოვაწყვეთ „ბადრიჯნის სასწავლო პარტი“.

ჩემმა მოსწავლეებმა მუყაითად და მონდომებით იმუშავეს, დიდი ინტერესი გამოავლინეს და ბევრი სიამოვნება მიიღეს.

დღემდე ჩემს მეგობრებს შორის მხოლოდ რაფაელი (მექსიკიდან) ამზადებდა თვითონ ნიგვზიან ბადრიჯანს, ახლა ახლები შემოგვემატნენ.

სარა

იოჰენი

დიტმარი (მარცხნივ) და უდო (მარჯვნივ)

უდო (მარცხნივ) და თენგიზი (მარჯვნივ)

თქვენი მონა-მორჩილი

სარა და იოჰენი სამ ტაფაზე ერთდროულად წვავენ ბადრიჯანს

იოჰენი და დიტმარი

ბადრიჯანი რომ შევწვით და ნიგვზის საკმაზიც მოვამზადეთ, მივიტანეთ ეს ყველაფერი სუფრასთან, სუფრის წევრები თვითონ იღებდნენ ბადრიჯანს თეფშზე და უსვავდნენ ნიგვზის საწებელს, ასე, რომ ყველა თავისთვის ამზადებდა.

ამ საღამომ ყველას დიდი სიამოვნება მოგვანიჭა, ალბათ კიდევ გავიმეორებთ სხვა კერძების მომზადებით. 

დიდ მადლობას ვუხდი ჩვენს უახლოეს და ძალიან საყვარელ მეგობარს – დიტმარს საღამოს ორგანიზებისა და მასპინძლობისათვის,     ჩემს მეგობრებს/მოსწავლეებს თანამშრომლობისათვის და სასიამოვნო საღამოსათვის!