წითელი ხავერდის ყირამალა ნამცხვარი ვაშლატამათი
პოპულარული, ძალიან გემრიელი ამერიკული ნამცხვარი Red Velvet Cake. წითელი ფერის და კაკოს რაოდენობაზეა დამოკიდებული ნამცხვრის საბოლოო ფერი. ძალიან უხდება ხილის არომატი.
მასალა:
- 2 კვერცხი
- 150 გ შაქარი
- 100 გ კარაქი
- 150 გ მაწონი
- 1 სკ კაკაო
- 150 გ ფქვილი
- 1/2 ჩკ გამაფხვიერებელი
- 1/2 ჩკ სოდა
- 1 ჩკ ძმარი
- 1 ჩკ კონიაკი
- 1 მწიკვი მარილი
- წითელი ფერი რამდენიც დასჭირდება
- ვაშლატამა ან ატამი (ან სითხისაგან დაწურული კამპოტი)
მომზადება:
საცხობ ყალიბში ქაღალდი ჩაფინეთ და ღუმელი 180 გრადუსზე გააცხელეთ.
ხილი თხელ ნაჭრებად დაჭერით და ყალიბის ფსკერზე მჭიდროდ მოაწყვეთ.
კვერცხი ათქვიფეთ შაქართან ერთად, დაუმატეთ დარბილებული კარაქი, მაწონი, კაკაო, მარილი და კონიაკი. გამაფხვიერებელი შეურიეთ ფქვილს, დააცერით გათქვეფილ მასას და კარგად მოურიეთ. შეურიეთ წითელი ფერი და ძმრიანი სოდაც.
ცომი ჩაასხით ხილჩაწყობილ ფორმაში და შედგით გახურებულ ღუმელში.მზადყოფნა ჩხირით შეამოწმეთ. გამომცხვარი ნამცხვარი ოდნავ შეაგრილეთ, თეფშზე გადმოაბრუნეთ, ქაღალდი ფრთხილად მოაცალეთ და აცალეთ გაცივება.
სურვილისამებრ შეგიძლიათ ზედაპირზე დაჭრილი ნუში მოაყაროთ, ვიდრე ნამცხვარი თბილია და ზედაპირი ნოტიო.
მიირთვით გემრიელად! 
