ინდაურის მკერდი ლორის შიგთავსით
ინდაურის მკერდი ლორის შიგთავსით გახლავთ სახელდახელოდ მოსამზადებელი და ძალიან გემრიელი კერძი. უხდება შერეული სალათი. კერძი დაბალკალორიული, დაბალნახშირწყლოვანი და აგლუტენურია. 
მასალა:
- 300 გ ინდაურის/ქათმის მკერდი
- 1 სკ კრემყველი
- 1 სკ ლორი, წვრილად დაჭრილი
- მარილი, პილპილი
- 2 კბილი ნიორი
- ცოტაოდენი ზეთი
მომზადება:
ხორცი გარეცხეთ და შეამშრალეთ. ბასრი დანით ჰორიზონტალურად შეჭერით, მაგრამ არა ბოლომდე.
ხორცს შიგნიდან და გარედან მარილი და პილპილი მოაფრქვიეთ, ჩანთაში შიგნიდან წაუსვით კრემყველი, ამოავსეთ ლორით და მეტალის ან ხის ჩხირებით დაამაგრეთ.
ტაფაში ჩაასხით ზეთი, ჩადეთ ნივრის კბილები, შეათბეთ და მკერდი ზომიერ ცეცხლზე ორივე მხრიდან შეწვით. რამოდენიმეჯერ გადააბრუნეთ. ეცადეთ ხორცი არ გამოშრეს და წვნიანი დარჩეს.
ინდაურის მკერდი ლორის შიგთავსით ბასრი დანით დაჭერით და სუფრასთან თბილი მიიტანეთ შერეულ სალათთან ერთად.
მიირთვით გემრიელად!
