ქათმის მკერდი პამიდვრის ჩირით
ქათმის მკერდი პამიდვრის ჩირით – ცილებით მდიდარი და ძალიან გემრიელი კერძი. ადვილი მოსამზადებელია, გამოუცდელი კულინარებიც კი ადვილად მოახერხებენ მომზადებას. კერძი დაბალკალორიული და დაბალნახშირწყლოვანია. არ შეიცავს გლუტენს. სცადეთ აუცილებლად. 
მასალა:
- 2 ცალი ქათმის მკერდი
- 4 ნაჭერი სულგუნი ან მოცარელა
- 4 ნაჭერი პამიდვრის ჩირი
- 2 კბილი ნიორი
- 6 თხელი ნაჭერი შებოლილი ლორი
- მარილი, წიწაკის ფანტელები
- ცოტაოდენი ქინძი
მომზადება:
თითოეული მკერდი ბასრი დანით ჰორიზონტალურად შეჭერით ისე, რომ ღრმა ჯიბე მიიღოთ. ჯიბის შიდა ზედაპირზე წაუსვით გაჭყლეტილი ნიორი. მკერდებს შიგნიდან და გარედან მოაფრქვიეთ მარილი და წიწაკა. თითოეული ჩანთა ამოავსეთ ორი ნაჭერი ყველით და ორი ნაჭერი პამიდვრის ჩირით.
დაჭრილი ქინძიც მოაფრქვიეთ და მეტალის ან ხის ჩხირით დააფიქსირეთ.
მკერდებს შემოახვიეთ 3-3 ნაჭერი ლორი, დადეთ ცეცხლამძლე ფორმაზე და 200 გრადუსზე გახურებულ ღუმელში 20-30 წუთის განმავლობაში შეწვით, ერთხელ გადააბრუნეთ. ხორცი უნდა დარჩეს წვნიანი, არ გამოაშროთ.
ქათმის მკერდი პამიდვრის ჩირით გემრიელია კარტოფილის ან ბოსტნეულის გარნირებთან ერთად.
მიირთვით გემრიელად!
