კრემყველის და კაკაოს მუსი
კრემყველის და კაკაოს მუსი იდეალურია მათთვის, ვისაც ტკბილი საუზმე უყვარს. თუ ნახშირწყლების მიღებას ერიდებით, მაშინ დასატკბობად იხმარეთ შაქრის შემცვლელები, რომლებსაც ბიო-მაღაზიაში შეიძენთ, მაგალითად სუკოლინი. თუ სუკოლინით დამზადებულ კრემყველის და კაკაოს მუსს ცილოვან პურთან ერთად მიირთმევთ, გექნებათ იდეალური low carb საუზმე, რაც ცილოვანი დიეტების დროს გამოგადგებათ. ძალიან ჩქარა მზადდება და ძალიან გემრიელია.
მასალა:
- 200 გ კრემყველი
- 2-3 ჩკ კაკაოს ფხვნილი
- შაქარი/თაფლი/სუკოლინი გემოვნებით
- ვანილის წვეთები
მომზადება:
პროდუქტები კარგად აურიეთ ერთგვაროვანი მასის მიღებამდე.
კრემყველის და კაკაოს მუსი ძალიან უხდება სხვადასხვა სრულმარცვლოვან პურს ან ცილოვან პურს.
მიირთვით საუზმეზე გემრიელად!
