ცილოვანი თხელი პური
ცილოვანი თხელი პური სწორედ მათთვისაა, ვინც ცილოვან ან დაბალნახშირწყლოვან (ე.წ. low carb) დიეტას იცავს, ან უბრალოდ ჯანსაღი კვება აინტერესებს. პური ძალიან გემრიელია და ადვილად მზადდება. მდიდარია ცილებით, ვიტამინებით და ჯანსაღი ცხიმებით, ამავე დროს აგლუტენურია, რადგან მარცვლეულის ფქვილს არ შეიცავს. სინჯეთ აუცილებლად.
მასალა:
- 3 კვერცხი
- 3 სკ ხაჭო
- 3 სკ ჩიას მარცვლები
- 3 სკ დაფქული სელის თესლი
- 3 სკ დაფქული ნიგოზი ან სხვა თხილეული
- 3 სკ ცილის ფხვნილი ნეიტრალური გემოთი
- 1,5 ჩკ გამაფხვიერებელი
- 1 ჩკ მარილი
- 1-2 სკ სეზამის მარცვლები
მომზადება:
ღუმელი 220 გრადუსზე გაახურეთ.
კვერცხი გათქვიფეთ ჯამში, შეათქვიფეთ ხაჭო.
მშრალი მასალა შეურიეთ ერთმანეთს და დაამატეთ კვერცხის და ხაჭოს ნარევს. კარგად მოზილეთ.
ცომი გადაიტანეთ დაახლოებით 30X40 სმ ზომის საცხობ ქაღალდზე და თხლად გადაასწორეთ. ზედაპირზე მოაფრქვიეთ სეზამის მარცვლები.
ცომიანი საცხობი ქაღალდი გადააცურეთ საცხობ ცხრილზე და დაახლოებით 20-25 წუთი აცხვეთ. თბილივე დაჭერით.
ასეთი პური გამრიელია თბილიც და ცივიც. შეგიძლიათ ტოსტერშიც გახუხოთ. ძალიან უხდება კარაქი, მურაბები, ყველი და ბევრი სხვა რამ.
მიირთვით საუზმეზე გემრიელად!
[…] Frischkäse-Kakao Brotaufstrich ist ein sehr einfacher, leckerer, nach Wunsch low carb Brotaufstrich. Es ist einfach und schnell zuzubereiten. Sehr lecker auf frisch gebackenem Vollkornbrot oder Eiweißbrot. […]