რევანდის ნამცხვარი
ჰაეროვანი და ძალიან არომატული რევანდის ნამცხვარი. ძალიან უხდება კარამელის კრემი, რომელის მზა შევიძინე. კარამელის კრემი შეგიძლიათ მოხარშული შესქელებული რძითაც ჩაანაცვლოთ.
მასალა:
- 150 გ კარაქი
- 150 გ შაქარი
- 3 კვერცხი
- 100 გ ნაღები
- 200 გ ფქვილი
- 50 გ კარტოფილის ან სიმინდის სახამებელი
- 1 შეკვრა ვანილიანი შაქარი
- 1 შეკვრა გამაფხვიერებელი
- 1 მწიკვი მარილი
- 450 გ რევანდი
- ცოტაოდენი შაქრის პუდრი ან კარამელის კრემი
მომზადება:
დარბილებული კარაქი, შაქარი, მარილი და ვანილიანი შაქარი კარგად ათქვიფეთ კრემოვანი მასის მიღებამდე. კვერცხები სათითაოდ შეათქვიფეთ. დაამატეთ ნაღები. ფქვილი, სახამებელი და გამაფხვიერებელი აურიეთ ერთმანეთში, კვერცხის მასას დააცერით და კარგად შეურიეთ.
რევანდი გარეცხეთ და დაჭერით. 250 გ დაჭრილი რევანდი შეურიეთ ცომს.
ცომი ქაღალდდაფენილ ფორმაში (20სმX30სმ) გადაიტანეთ, ზედაპირი გადაასწორეთ, მორჩენილი რევანდი ზედაპირზე თანაბრად გადაანაწილეთ და შედგით წინასწარ 180 გრადუსზე გახურებულ ღუმელში 30-40 წუთით.
გამომცხვარი რევანდის ნამცხვარი ქაღალდიანად გადააცურეთ ცხრილზე და გააცივეთ.
გაცივებულს შაქრის პუდრი მოაფრქვიეთ ან მოაწვეთეთ კარამელის კრემი.
კარამელის კრემის ნაცვლად შეგიძლიათ მოხარშული შესქელებული რძე გამოიყენოთ.
მიირთვით გემრიელად!