შვრიის საშობაო ნამცხვრები
ფხვიერი და ძალიან არომატული ნამცხვრები შვრიით, საშობაო სუნელებით და შოკოლადით.
მასალა:
- 150 გ შაქარი
- 100 გ კარაქი
- 2 კვერცხი
- 200 გ შვრიის ფანტელი, დაფქული
- 150 გ ფქვილი
- 0,5 ჩკ გამაფხვიერებელი
- 200 წმინდად დაფქული ნუში
- დაფქული დარიჩინი, ილი და მუსკატის კაკალი თითოეული 1/2 ჩკ
- ½ ჩკ გახეხილი ჯანჯაფილი
- 1 მწიკვი მარილი
- 2 სკ კონიაკი
- 200 გ (დაახლოებით) მუქი ან/და თეთრი შოკოლადის ფილა დეკორაციისათვის
მომზადება:
კონიაკში ჩაყარეთ სუნელები და კარგად აურიეთ.
ღუმელი 180 გრადუსზე გაახურეთ.
მასალის ჩამონათვალი ჯამში მოათავსეთ, ხელით შეურიეთ ერთმანეთს და მოზილეთ ცომი. ცომი ხელებზე არ უნდა გეკვროდეთ. ცომისაგან გააკეთეთ 4-5 სმ დიამეტრის პატარა ბურთულები, დააწყვეთ ქაღალდდაფენილ საცხობ ფურცელზე და აცხვეთ 15-20 წუთის განმავლობაში. აცალეთ გაცივება.
დამტვრეული შოკოლადი ორთქლზე, ან მიკროტალღოვან ღუმელში დაადნეთ, თითოეულ ნამცხვარს ზედაპირზე გადაავლეთ.
შვრიის საშობაო ნამცხვრები გრილად შეინახეთ.
მიირთვით გემრიელად! 
