ისპანახიანი ხრამუნები
სასარგებლო და გემრიელი ხრამუნები ისპანახით და სრულმარცვლოვანი ფქვილით. სრულმარცვლოვანი ფქვილი შეგიძლიათ თეთრითაც შეცვალოთ. ეს ხრამუნები შეგიძლიათ ლაქტოზის აუტანლობის შემთხვევაშიც მიირთვათ. 
ისპანახიანი ხრამუნები
მასალა:
300 გ სრულმარცვლოვანი ფქვილი (ხორბალი ან იფქლი)
100 გ შაქარი
150 გ კარაქი
1 ჩკ სოდა 1 სკ ძმრით
მწიკვი მარილი
ვანილი
ცოტაოდენი ისპანახი, რაოდენობა სურვილის მიხედვით
ცოტაოდენი ფსტა (უმარილო) მოსართავად
მომზადება:
ფქვილი, მარილი, ვანილი და შაქარი კარგად აურიეთ. დაამატეთ დაჭრილი ცივი კარაქი, სოდა ძმრით და ხელით აზილეთ.
ისპანახი ცოტაოდენ წყალთან ერთად დააბლენდერეთ თხელი ფაფისებრი მასის მიღებამდე.
ამ ფაფის სასურველი რაოდენობა ცომს შეურიეთ და დანარჩენი გაყინეთ ყინულის კუბების მოსამზადებელ პარკში.
მე წინასწარ მაქვს მომზადებული და კუბებად გაყინული ისპანახი, ამიტომ ზუსტად არ შემიძლია გითხრათ, რამდენი ისპანახი დაგჭირდებათ ამ ნამცხვრისათვის. თუ ისპანახი ცომს გაათხელებს, ცოტაოდენი ფქვილი შეაზილეთ. ცომი გუნდად შეკარით და ცელოფანში გახვეული 60 წუთი მაცივარში გააცივეთ.
გაცივებულ ცომს მიეცით მილის ფორმა, დანით რგოლები ჩამოჭერით, დაამრგვალეთ, ცერი თითის ოდნავ დაწოლით ჩააღრმავეთ, დაჭრილი ფსტა მოაფრქვიეთ და ხელის მსუბუქი დაწოლით დაამაგრეთ ცომზე.
გამოსაცხობად მომზადებული ხრამუნები დააწყვეთ ქაღალდდაფენილ საცხობ ფურცელზე და წინასწარ 170 გრადუსზე გახურებულ ღუმელში 10-15 წუთი გამოაცხვეთ.
ისპანახიანი ხრამუნები ცხრილზე გააცივეთ.
გემრიელად მიირთვით!
Zalian gtovt iqneb mitxrat sad sheidzleba shevidzino srulmarcvlovani fqvili? (ifqlis fqvili) dzalian mchirdeba
didi madloba cinascar
da tu sadme saqartveloshi ikideva srulmarcvlovani fqvilisgan damzadebuli puri da makaronis nacarmi