ისპანახიანი ეკლერი
შუს და ეკლერს მოხარშული ცომით ამზადებენ. რადგან ცომი უშაქროა, მისი შეკმაზვა შეიძლება როგორც ტკბილი, ასევე მარილიანი შიგთავსებით. ამჯერად გთავაზობთ ისპანახიან ეკლერს, რომელიც ნიგვზიანი ისპანახის შიგთავსით ამოვავსე. ძალიან გემრიელია. გამოგადგებათ სტარტერად/საუზმეულად. მოამზადეთ და ისიამოვნეთ.
მასალა დაახლოებით 10 ცალისათვის:
ცომი:
- 250 მლ წყალი
- 100 გ კარაქი
- 200 გ ფქვილი
- მწიკვი მარილი
- 5-6 კვერცხი (ზომაზე დამოკიდებულებით)
ისპანახის შიგთავსი:
- 1 კგ ისპანახი
- 200 გ ნიგოზი, გატარებული
- 1 სკ ღვინის ძმარი
- 1 ჩკ დაფქული ქინძი
- 1 კბილი ნიორი
- მარილი, მწარე წიწაკა გემოვნებით
- პატარა კონა ქინძი
- ბროწეულის მარცვლები
მომზადება:
მოამზადეთ ნიგვზიანი ისპანახი.
ქვაბში აადუღეთ წყალი კარაქთან და მარილთან ერთად.
ჩაყარეთ ფქვილი და კოვზის ძლიერი მორევით შეურიეთ სითხეს. ქვაბი ნელ ცეცხლზე დატოვეთ და ცომს ურიეთ, ვიდრე ცომი გუნდის ფორმას არ მიიღებს და ქვაბის ფსკერს მოსცილდება. ოდნავ შეაგრილეთ და თითო-თითო კვერცხი შეათქვიფეთ მიქსერით. ერთი კვერცხი ბოლომდე რომ შეერევა, შემდეგი შემდეგ ჩაახალეთ. ცომი უნდა იყოს ელასტიური, მაგრამ არა თხევადი.
ცომი ჩადეთ შპრიცში ან კულინარულ პარკში და თუნუქის ქაღალდდაფენილ ფურცელზე დასვით პატარა ზოლები (დაახლოებით 10 სმ). წინასწარ 180 გრადუსზე გახურებულ ღუმელში გამოაცხვეთ ვიდრე ეკლერები არ დაიბერება და ფერს არ შეიცვლის (20-30 წუთი).
შემდეგ გამოიღეთ ღუმლიდან და ცხრილზე გააცივეთ.
გაცივებული ეკლერები სიგრძივად გაჭერით ერთი გვერდიდან ჩადეთ ნიგვზიანი ისპანახი, რამოდენიმე მარცვალი ბროწეული და ისევ დახურეთ.
მიირთვით გემრიელად! 
