ბანანის კექსი შოკოლადით
უმარტივესი და უგემრიელესი ნამცხვარი ბევრი ბანანით, შოკოლადის ნატეხებით, ნუშით და ქოქოსის ფანტელით. თუ ქოქოსის არომატი არ მოგწონთ, შეგიძლიათ ქოქოსი ამოიღოთ რეცეპტიდან და ორმაგი რაოდენობის ნუში გამოიყენოთ. სცადეთ აუცილებლად, მოგეწონებათ. 
მასალა:
- 4 კვერცხი
- 100 გ კარაქი
- 150 გ შაქარი
- 1 შეკვრა ვანილიანი შაქარი
- 200 გ ფქვილი
- 2 სკ გამაფხვიერებელი
- 100 გ დაფქული ნუში
- 100 გ ქოქოსის ფანტელი
- 1 სკ კონიაკი
- 80 გ მუქი შოკოლადი
- 3 დიდი ბანანი
- მწიკვი მარილი
მომზადება:
ღუმელი 170 გრადუსზე გაახურეთ.
კვერცხი ათქვიფეთ შაქართან და ვანილთან ერთად, დაამატეთ დარბილებული კარაქი, შეურიეთ ნუში, ქოქოსი, მარილი, დააცერით ფქვილი გამაფხვიერებელთან ერთად და კარგად აურიეთ. დაამატეთ დატეხილი შოკოლადი, პატარა კუბებად დაჭრილი ბანანი, კარგად აურიეთ, ჩაასხით ქაღალდჩაფენილ ფორმაში ან კარაქწასმულ სილიკონის ფორმაში და შედგით ღუმელში 50-60 წუთით.
მზადყოფნა აუცილებლად ხის ჩხირით შეამოწმეთ.
შეგრილებულ კექსს მოაფრქვიეთ შაქრის პუდრი, ან მოასხით დამდნარი შოკოლადი და მოაყარეთ ქოქოსის ფანტელი.
მიირთვით გემრიელად!
